'അന്ന് ഞാൻ ആറുമാസം ഗർഭിണി'; ഗർഭകാല ചിത്രങ്ങൾ പങ്കുവച്ച് ഭാമ

2021 മാർച്ചിലാണ് മലയാളത്തിന്റെ പ്രിയ താരം ഭാമക്ക് പെൺകുഞ്ഞ് പിറന്നത്. കുഞ്ഞിന്റെ ജനനത്തിൽ ഏറെ സന്തോഷത്തിലാണ് ഭാമ- അരുൺ ദമ്പതികൾ. 

• ഇപ്പോഴിതാ ഗർഭകാലത്തെ പഴയ ചില ചിത്രങ്ങൾ പങ്കുവച്ചിരിക്കുകയാണ് ഭാമ. നിറവയറുമായുള്ള നടി ഭാമയുടെ ചിത്രങ്ങളാണ് സമൂഹമാധ്യമങ്ങളിൽ ശ്രദ്ധ നേടുന്നത്. 

• ഗർഭകാല ഓർമകളുമായി കഴിഞ്ഞ വർഷം ഷൂട്ട് ചെയ്ത ചിത്രങ്ങൾ നടി സമൂഹമാധ്യമങ്ങളിലൂടെ പങ്കുവയ്ക്കുകയായിരുന്നു. ഭർത്താവ് അരുണിനെയും ചിത്രങ്ങളിൽ കാണാം.

• ‘കഴിഞ്ഞ വർഷം ഓണക്കാലത്തെടുത്ത ചിത്രങ്ങളാണ്. എന്റെ ജീവിതത്തിലെ ഏറ്റവും നല്ല നിമിഷങ്ങൾ. അന്ന് ആറ് മാസം ഗർഭിണിയായിരുന്നു.’ എന്ന കുറിപ്പോടുകൂടിയാണ് ഭാമ ചിത്രങ്ങൾ പങ്കുവച്ചിരിക്കുന്നത്. 

 

• 2020 ജനുവരിയിലായിരുന്നു ഭാമയുടെയും അരുണിന്റെയും വിവാഹം. ഭാമയുടെ സഹോദരിയുടെ ഭര്‍ത്താവും അരുണും തമ്മിലുള്ള സൗഹൃദമാണ് വിവാഹത്തിലെത്തിയത്. ദുബായില്‍ ബിസിനസുകാരനായ അരുണ്‍ വിവാഹത്തോടെ നാട്ടില്‍ സെറ്റിലാവുകയായിരുന്നു. 

• ലോഹിതദാസ് ചിത്രമായ നിവേദ്യത്തിലൂടെയാണ് ഭാമ മലയാള സിനിമയിലേക്ക് അരങ്ങേറ്റം കുറിച്ചത്. 

• പിന്നീട് തമിഴ്, തെലുങ്ക് തുടങ്ങി നിരവധി ചിത്രങ്ങളില്‍ താരം അഭിനയിച്ചു.

• 2016 ല്‍ പുറത്തിറങ്ങിയ മറുപടിയാണ് അവസാന മലയാള ചിത്രം.