national
75 -ാമത് സ്വാതന്ത്ര്യദിനം: സ്വതന്ത്ര ഇന്ത്യയെക്കുറിച്ചുള്ള രസകരമായ 5 വസ്തുതകള്
2021 ആഗസ്റ്റ് 15, ബ്രിട്ടീഷ് കൊളോണിയല് ഭരണത്തില് നിന്ന് ഇന്ത്യ സ്വതന്ത്രമായതിന്റെ 75 -ആം വര്ഷത്തിലേക്ക് പ്രവേശിക്കുന്ന ദിനം. രാഷ്ട്ര സ്വാതന്ത്ര്യത്തിനായി പോരാടിയ സ്വാതന്ത്ര്യസമര സേനാനികളെ ആദരിക്കുന്നതിനും വീരോജ്ജ്വലമായ ഓര്മ്മകള് പുതുക്കാനും എല്ലാ വര്ഷവും ആഗസ്റ്റ് 15 നെ നാം സമുചിതമായി ആഘോഷിച്ചു വരുന്നു.
- നമ്മള് ഇന്ന് ഒരു സ്വതന്ത്ര രാഷ്ട്രമാണ്. പതാക ഉയര്ത്തി ദേശീയഗാനം ആലപിച്ചുകൊണ്ട് ഈ സുപ്രധാന ദിനം ആവേശഭരിതരായി ആഘോഷിക്കുകയാണ് രാജ്യം. ഇന്ത്യ ഒരു സ്വതന്ത്ര രാജ്യമായി മാറിയപ്പോള് ദേശീയഗാനം ഇല്ലായിരുന്നു എന്നുള്ള വസ്തുത നിങ്ങള്ക്കറിയാമോ? വാസ്തവത്തില്, ദേശീയഗാനം 1950 കളിലാണ് അംഗീകരിക്കപ്പെട്ടത്. ഇത് മാത്രമല്ല, ഇന്ത്യന് സ്വാതന്ത്ര്യത്തെക്കുറിച്ച് നിങ്ങള് കേട്ടിട്ടില്ലാത്ത രസകരമായ നിരവധി വസ്തുതകള് ഉണ്ട്. നമ്മുടെ രാജ്യത്തെക്കുറിച്ചുള്ള നിങ്ങളുടെ അറിവ് ശക്തിപ്പെടുത്തുന്ന 5 രസകരമായ വസ്തുതകളുടെ ഒരു വിവരണം ഇതാ...
- നിങ്ങള്ക്കറിയാമോ..?, രാജ്യത്തെ ആദ്യത്തെ സ്വാതന്ത്ര്യദിനാഘോഷത്തില് മഹാത്മാ ഗാന്ധി ഉണ്ടായിരുന്നില്ല. അതെ, വിഭജനത്തെ തുടര്ന്നുണ്ടായ വര്ഗീയ കൊലപാതകങ്ങളെ തടയുന്നതിനായി നടത്തിയ ഒരു നിരാഹാര സമരത്തിലായിരുന്നു അദ്ദേഹം.
- ആഗസ്റ്റ് 15 ന് മുമ്പ് തന്നെ ഇന്ത്യ ഒരു സ്വതന്ത്ര രാജ്യമായി. അതിശയം തോന്നുന്നുണ്ട് അല്ലേ? 1947 ജൂലൈ 18 ന് ഇന്ത്യ സ്വതന്ത്രമായി എന്ന് നമുക്ക് പറയാം. എന്നാല് മൗണ്ട് ബാറ്റണ് പ്രഭു ആഗസ്റ്റ് 15 സ്വാതന്ത്ര്യദിനമായി പ്രഖ്യാപിച്ചു. കാരണം, രണ്ടാം ലോക മഹായുദ്ധ സമയത്ത് ജപ്പാന്, സഖ്യസേനയ്ക്ക് മുന്നില് കീഴടങ്ങിയതിന്റെ രണ്ടാം വാര്ഷികം ആചരിച്ചു വന്നിരുന്നത് ആഗസ്റ്റ് 15 നായിരുന്നു.
- ഇന്ത്യ സ്വതന്ത്രയായപ്പോള്, രാഷ്ട്രപതിയോ പ്രധാനമന്ത്രിയോ രാജ്യത്തെ നയിച്ചിരുന്നില്ല. സ്വതന്ത്ര ഇന്ത്യയ്ക്ക് ഘടനാപരമായ ഒരു സര്ക്കാരും ഉണ്ടായിരുന്നില്ല. സ്വാതന്ത്ര്യം ലഭിച്ച സമയത്ത് ഗവര്ണര് ജനറല് മാത്രമാണ് ഇന്ത്യയിലെ പരമാധികാരിയായ വ്യക്തിയായി നിലനിന്നിരുന്നത്. ഇന്ത്യ ഒരു റിപ്പബ്ലിക്കായി മാറിയപ്പോള് രാഷ്ട്രീയ ചട്ടക്കൂടും വികസിച്ചു.
- സ്വാതന്ത്ര്യദിനത്തില്, ചെങ്കോട്ട കോട്ടയില് നിന്ന് ഇന്ത്യയുടെ ആദ്യ പ്രധാനമന്ത്രിയായിരുന്ന പണ്ഡിറ്റ് ജവഹര്ലാല് നെഹ്റു 17 തവണ ദേശീയ പതാക ഉയര്ത്തിയെന്ന് അറിഞ്ഞാല് നിങ്ങള് അത്ഭുതപ്പെടും.
- ഇന്ത്യക്കൊപ്പം സ്വാതന്ത്ര്യദിനം ആഘോഷിക്കുന്ന അഞ്ച് രാജ്യങ്ങള് കൂടി ഉണ്ട്. ബഹ്റൈന്, ഉത്തര കൊറിയ, ദക്ഷിണ കൊറിയ, കോംഗോ, ലിച്ചെന്സ്റ്റൈന് എന്നീ രാജ്യങ്ങള്ക്കൊപ്പമാണ് ആഗസ്റ്റ് 15 ന് ഇന്ത്യയും സ്വാതന്ത്ര്യ ദിനം ആഘോഷിക്കുന്നത്. പക്ഷേ, വ്യത്യസ്ത വര്ഷങ്ങളിലാണ് മറ്റു രാജ്യങ്ങള് സ്വതന്ത്രമായത്.
- ഈ വര്ഷം, കോവിഡ് മഹാമാരി ഉയര്ത്തുന്ന ഭീഷണി കാരണം, സ്വാതന്ത്ര്യ ദിനാഘോഷങ്ങളില് പൊതുജന പങ്കാളിത്തത്തിന് കര്ശന വിലക്കുണ്ട്. എന്നാല്, തത്സമയ ദൃശ്യങ്ങള് നിങ്ങളുടെ ഹോം സ്ക്രീനുകളിലൂടെ കാണാനാകും.
