മെഗാസ്റ്റാര് മമ്മൂട്ടി നേതൃത്വം നല്കുന്ന വിദ്യാമൃതം പദ്ധതിക്ക് തുടക്കമായി
മെഗാസ്റ്റാർ മമ്മൂട്ടി നേതൃത്വം നൽകുന്ന കെയര് ആന്ഡ് ഷെയര് ഇന്റര്നാഷണല് ഫൗണ്ടേഷന്റെ വിദ്യാമൃതം പദ്ധതിക്ക് തിരുവനന്തപുരത്ത് തുടക്കമായി. ഓണ്ലൈന് പഠനത്തിന് ബുദ്ധിമുട്ട് അനുഭവിക്കുന്ന നിര്ധനരായ വിദ്യാര്ത്ഥികള്ക്ക് സ്മാര്ട്ട് ഫോണ് നല്കുന്ന പദ്ധതിയാണ് വിദ്യാമൃതം. ഫൗണ്ടേഷന് മാനേജിംഗ് ഡയറക്ടര് ഫാ.തോമസ് കുര്യന് മരോട്ടിപുഴ സ്വാഗതം ആശംസിച്ചു.
ഫൗണ്ടേഷന് വൈസ് ചെയര്മാന് ഗീവര്ഗീസ് യോഹന്നാന് അധ്യക്ഷത വഹിച്ച ചടങ്ങില് തിരുവനന്തപുരം യത്തീംഖാന ഭാരവാഹി എം. കെ. നാസര്, ജമാഅത്ത് പ്രസിഡന്റ് സൈഫുദ്ദീന് ഹാജി, മമ്മൂട്ടി ഫാന്സ് ആന്ഡ് വെല്ഫെയര് അസോസിയേഷന് ഇന്റര്നാഷണല് അംഗങ്ങളായ അശോകന്, അരുണ് തുടങ്ങിയവരും ചടങ്ങിൽ സന്നിഹിതരായിരുന്നു.
