kerala
സ്ത്രീധന നിരോധന നിയമം കർശനമാക്കാത്തതനെതിരെ ഹൈക്കോടതി; സർക്കാരുകളുടെ വിശദീകരണം തേടി
കൊച്ചി: സംസ്ഥാനത്ത് വിസ്മയ കേസടക്കം നിരവധി സ്ത്രീപീഡന സംഭവങ്ങള് തുടര്ച്ചയായി റിപ്പോര്ട്ട് ചെയ്യപ്പെട്ട സാഹചര്യത്തിൽ വിഷയത്തിൽ നിർണായക ഇടപെടലുമായി ഹൈക്കോടതി.എന്തുകൊണ്ട് സ്ത്രീധന നിരോധന നിയമം കര്ശനമായി നടപ്പാക്കുന്നില്ലെന്ന് ഹൈക്കോടതി ആരാഞ്ഞു. വിഷയത്തില് ഹര്ജി പരിഗണിച്ച കോടതി സര്ക്കാരിന്റെ നിലപാട് തേടി. ഹര്ജിയില് മൂന്നാഴ്ചയ്ക്കകം സര്ക്കാര് വിശദീകരണം നല്കണം.സ്ത്രീധന നിരോധന നിയമത്തില് ഭേദഗതി ആവശ്യപ്പെട്ടുള്ള പൊതുതാല്പ്പര്യഹര്ജിയില് കേന്ദ്ര – സംസ്ഥാന സര്ക്കാരുകള്ക്ക് ഹൈക്കോടതി നോട്ടീസയച്ചു. മൂന്നാഴ്ചയ്ക്കകം മറുപടി നല്കണമെന്നാണ് നിര്ദ്ദേശം. ഡൗറി പ്രൊഹിബിഷന് ഓഫീസര്മാരുടെ നിയമനം നടപ്പാക്കാത്തത് എന്തുകൊണ്ടെന്നും കോടതി ചോദിച്ചു. സ്ത്രീധനം വാങ്ങിയിട്ടില്ലെന്ന സത്യവാങ്മൂലം സര്ക്കാര് ജീവനക്കാര് നല്കണമെന്ന വ്യവസ്ഥയിലും സര്ക്കാര് നിലപാടറിയിക്കണമെന്ന് കോടതി ആവശ്യപ്പെട്ടു.
