ബിഗ് ബോസ് സീസണ് 3ന് വിജയി ഉണ്ട്, പുതിയ പ്രഖ്യാപനവുമായി ചാനല്, ആവേശത്തില് ഫാന്സ്
ബിഗ് ബോസ് മലയാളം മൂന്നാം സീസണ് ഫിനാലെയ്ക്ക് തൊട്ട് മുന്പേ അവസാനിച്ചതിന്റെ വിഷമത്തിലാണ് ആരാധകര്. ആരാകും ഇത്തവണ ബിഗ് ബോസിലെ വിജയി എന്ന ചോദ്യത്തിന് ഉത്തരമാകാന് പോവുകയാണ്. ഇത് സംബന്ധിച്ച് നിര്ണായക പ്രഖ്യാപനം നടത്തിയിരിക്കുകയാണ് ചാനല്.. ഇതോടെ ബിഗ് ബോസ് ഫാന്സ് വന് ആവേശത്തിലായിരിക്കുകയാണ്. വിശദമായി അറിയാം.
ബിഗ് ബോസ് മലയാളം സീസണ് 2ന് വിജയി ഉണ്ടായിരുന്നില്ല. കൊവിഡ് കാരണം പരിപാടി നിര്ത്തി വെക്കേണ്ടി വന്നതായിരുന്നു കാരണം. ബിഗ് ബോസ് മലയാളം സീസണ് മൂന്നും സമാനമായ സാഹചര്യത്തിലാണ് നിര്ത്തി വെക്കേണ്ടി വന്നത്. കൊവിഡ് ലോക്ക്ഡൗണ് നിയന്ത്രണങ്ങള് കാരണം തമിഴ്നാട്ടില് വെച്ച് പരിപാടിയുടെ ഷൂട്ടിംഗ് അധികൃതര് തടയുകയായിരുന്നു.
95 ദിവസം ആയിരുന്നു ബിഗ് ബോസ് പൂര്ത്തിയാക്കിയിരുന്നത്. ടിക്കറ്റ് ടു ഫിനാലെ എന്നുളള ടാസ്ക് ആയിരുന്നു പരിപാടിയില് നടന്ന് കൊണ്ടിരുന്നത്. ഇനി 5 ദിവസത്തെ പരിപാടി മാത്രമായിരുന്നു ബാക്കി ഉണ്ടായിരുന്നത്. അത് കൊണ്ട് തന്നെ ഷോ പുനരാരംഭിക്കുമെന്നും പെട്ടെന്ന് ഫിനാലെ നടത്തി വിജയിയെ പ്രഖ്യാപിക്കും എന്നുമുളള റിപ്പോര്ട്ടുകള് വന്നിരുന്നു.
എന്നാല് കൊവിഡ് വ്യാപനം അതിരൂക്ഷമായി തുടരുന്നത് കാരണം പരിപാടിയുടെ തുടര്ചിത്രീകരണം സാധ്യമാകില്ലെന്നാണ് ചാനല് വ്യക്തമാക്കിയിരിക്കുന്നത്. തമിഴ്നാട്ടിലെ ഹോട്ടലില് തുടരുന്ന മത്സരാര്ത്ഥികള് ഇതോടെ കേരളത്തിലേക്ക് തിരിക്കുകയാണ്. ഷോ ചിത്രീകരണം നടക്കില്ലെങ്കിലും ഇത്തവണ ബിഗ് ബോസിന് വിജയി ഇല്ലാതെ പോകില്ലെന്നും ചാനല് അറിയിച്ചിരിക്കുകയാണ്.
ബിഗ് ബോസിലെ അവസാന റൗണ്ടില് ഉള്ളത് എട്ട് മത്സരാര്ത്ഥികള് ആണ്. ഡിംപല് ഭാല്, മണിക്കുട്ടന്, കിടിലന് ഫിറോസ്, സായ് വിഷ്ണു, റിതു മന്ത്ര, അനൂപ്, റംസാന്, നോബി മാര്ക്കോസ് എന്നിവരാണ് ഷോയിലുളള മത്സരാര്ത്ഥികള്. ഇവരില് ആരാകണം ബിഗ് ബോസ് മലയാളം സീസണ് 3 വിജയി എന്നുളള തീരുമാനം പ്രേക്ഷകരുടെ കയ്യിലാണ് എന്നാണ് ചാനല് വ്യക്തമാക്കിയിരിക്കുന്നത്.
