film
മുഖ്യമന്ത്രി കടക്കല് ചന്ദ്രനായി മമ്മൂട്ടി; ‘വണ്’ മാര്ച്ച് 26 മുതല് പ്രേക്ഷകരിലേക്ക്
മമ്മൂട്ടി നായകനായെത്തുന്ന പുതിയ ചിത്രമാണ് വണ്. ചിത്രത്തിന്റെ റിലീസ് തീയതി അണിയറപ്രവര്ത്തകര് പുറത്തുവിട്ടു. മാര്ച്ച് 26 മുതല് വണ് തിയേറ്ററുകളില് പ്രദര്ശനത്തിനെത്തും. കേരളത്തിന്റെ മുഖ്യമന്ത്രിയായാണ് ചിത്രത്തില് മമ്മൂട്ടിയെത്തുന്നത്. കടക്കല് ചന്ദ്രന് എന്നാണ് കഥാപാത്രത്തിന്റെ പേര്. ചിത്രത്തിന്റേതായി അടുത്തിടെ പുറത്തിറങ്ങിയ ട്രെയ്ലറും മികച്ച പ്രേക്ഷക സ്വീകാര്യത നേടിയിരുന്നു.
സന്തോഷ് വിശ്വനാഥനാണ് ചിത്രത്തിന്റെ സംവിധാനം നിര്വഹിക്കുന്നത്. ചിറകൊടിഞ്ഞ കിനാവുകള് എന്ന ചിത്രത്തിന് ശേഷം സന്തോഷ് വിശ്വാനാഥന്റെ സംവിധാനത്തില് ഒരുങ്ങുന്ന ചിത്രംകൂടിയാണ് വണ്. ഇച്ചായീസ് പ്രൊഡക്ഷന്സിന്റെ ബാനറിലാണ് ചിത്രത്തിന്റെ നിര്മാണം.
Read more: റിലീസിങ്ങിനൊരുങ്ങി ‘ചതുര്മുഖം’; മലയാളത്തിലെ ആദ്യ ടെക്നോ ഹൊറര് ചിത്രം
ബോബി – സഞ്ജയ് കൂട്ടുകെട്ടിലാണ് ചിത്രത്തിന്റെ തിരക്കഥ ഒരുങ്ങിയിരിക്കുന്നത്. വൈദി സോമസുന്ദരം ഛായാഗ്രഹണം നിര്വഹിക്കുന്നു. നിഷാദ് ആണ് എഡിറ്റര്. നിരവധി താരങ്ങളും വണ് എന്ന ചിത്രത്തില് അണിനിരക്കുന്നുണ്ട്. മുരളി ഗോപി, ജോജു ജോര്ജ്, ജഗദീഷ്, സംവിധായകന് രഞ്ജിത്, സലീം കുമാര്, നിമിഷ സജയന്, സുരേഷ് കൃഷ്ണ, മാത്യു തോമസ്, അലന്സിയര്, സുധീര് കരമന, രശ്മി ബോബന്, അര്ച്ചന മനോജ് തുടങ്ങിയവര് വിവിധ കഥാപാത്രങ്ങളായെത്തുന്നു.
