kerala
കൊല്ലം കയര്‍ ഫാക്ടറിയില്‍ വന്‍തീപിടിത്തം; വാഹനവും കെട്ടിടവും കത്തി
കൊല്ലം ഓച്ചിറയില്‍ കയര്‍ ഫാക്ടറിക്ക് വന്‍തീപിടിത്തം. വാഹനമടക്കം കത്തി നശിച്ചു.ആലുപീടികയില്‍ രാജന്റെ ഉടമസ്ഥതയിലുള്ള ഓച്ചിറ നിവാസ് കയര്‍ ഫാക്ടറിയിലാണ് തീപിടിത്തം. അപകടകാരണം വ്യക്തമല്ല.
ഇന്നലെ രാത്രിയോടെയാണ് തീപിടിത്തം ഉണ്ടായത്. തീപിടിത്തത്തില്‍ ഫാക്ടറിയും ഫാക്ടറി വളപ്പില്‍ ലോഡ് കയറ്റിയിട്ടിരുന്ന വാഹനവും പൂര്‍ണമായും കത്തി നശിച്ചു. അമ്പത് ലക്ഷത്തിലേറെ രൂപയുടെ നാശനഷ്ടം ഉണ്ടെന്നാണ് പ്രാഥമിക വിലയിരുത്തല്‍.
