ബിനീഷ് കോടിയേരിയുടെ തിരുവനന്തപുരത്തെ വീട്ടില് എന്ഫോഴ്സ്മെന്റ് റെയ്ഡ്; ഒപ്പം സിആര്പിഎഫ് ഉദ്യോഗസ്ഥരും കര്ണാടക പൊലീസും
ബിനീഷ് കോടിയേരിയുടെ വീടിന് പുറമേ ടോറസ് റെമഡീസ് എന്ന സ്ഥാപനത്തിലും ബിനീഷിന്റെ ബിനാമിയെന്ന് കരുതുന്ന അബ്ദുള് ലത്തീഫിന്റെ സ്ഥാപനത്തിലുമാണ് റെയ്ഡ് .
ബിനീഷ് കോടിയേരിക്കെതിരായ കേസില് അന്വേഷണം ഊര്ജ്ജിതമാക്കുന്നതിന്റെ ഭാഗമായാണ് എന്ഫോഴ്സ്മെന്റ് സംഘത്തിലെ ഉദ്യോഗസ്ഥരും ആദായ നികുതി വകുപ്പ് ഉദ്യോഗസ്ഥരും തിരുവനന്തപുരത്ത് തുടരുന്നത്. ബിനീഷിന്റെ ബിനാമി ഇടപാടുകള് കേന്ദ്രീകരിച്ചും, ആസ്തി വിവരങ്ങള് സംബന്ധിച്ചും നേരിട്ടുള്ള തെളിവ് ശേഖരണമാണ് അന്വേഷണ സംഘത്തിന്റെ ലക്ഷ്യം.
2012 മുതല് 2019 വരെയുള്ള കാലയളവില് മയക്കുമരുന്ന് കേസിലെ പ്രതി അനൂപ് മുഹമ്മദിന് 5 കോടിയിലധികം രൂപ കൈമാറിയെന്ന് ഇ.ഡി കണ്ടെത്തിയിട്ടുണ്ട്. ഇതിന്റെ ഭാഗമായാണ് ബിനീഷുമായി ബന്ധപ്പെട്ട കേന്ദ്രങ്ങളെ അന്വേഷണപരിധിയില് കൊണ്ടുവരുന്നത്. അന്വേഷണസംഘം ബിനീഷിന്റെ വീട്ടില് പരിശോധന നടത്തുമെന്നും സൂചനയുണ്ട്.
