kerala
'മുസ്ലിങ്ങള് അപേക്ഷിക്കരുത്'; ഐ.എസ്.ബി.എം കൊച്ചി ജോലി അപേക്ഷ ക്ഷണിച്ചതില് ഒരു നിബന്ധന ഇങ്ങനെ
ഐ.എസ്.ബി.എം(ഇന്ത്യന് സ്ക്കൂള് ഓഫ് ബിസിനസ് മാനേജ്മെന്റ് ആന്റ് അഡ്മിനിസ്ട്രേഷന്)ന്റെ കൊച്ചി ബ്രാഞ്ചിലേക്ക് അപേക്ഷ ക്ഷണിച്ചതിലാണ് ഇത്തരത്തില് ഒരു നിബന്ധന വെച്ചിരിക്കുന്നത്
എഡ്യുക്കേഷനല് കൗണ്സിലര്, ടെലിസെയില് എക്സിക്യുട്ടിവ് എന്നീ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. വിദ്യാര്ത്ഥികളെ വിളിക്കുകയും കൗണ്സലിങ് നടത്തുകയുമാണ് ജോലി. അപേക്ഷിക്കാനുള്ള യോഗ്യതകളെല്ലാം പറഞ്ഞ ശേഷം അവസാനമാണ് ഈ നിബന്ധന ചേര്ത്തിരിക്കുന്നത്. മുസ്ലിങ്ങളും ബിടെക്കുകാരും അപേക്ഷിക്കരുതെന്നാണ് നിബന്ധനയില് പറയുന്നത്.
ഇന്ത്യയിലെ പ്രമുഖ തൊഴിലന്വേഷണ സൈറ്റായ പ്ലേസ്മെന്റ് ഇന്ത്യയിലാണ് പരസ്യം അപ്ലോഡ് ചെയ്തിരിക്കുന്നത്.
