കീഴൂർ തെക്ക് ഭാഗത്ത് കടപ്പുറം മൽസ്യതൊഴിലാളികൾ വാടകയ്ക്ക് താമസിച്ചു വരികയായിരുന്ന വീട് കാലപഴക്കത്താൽ തനിയെ ഇടിഞ്ഞു വീഴുകയായിരുന്നു,
വീട്ടിലുള്ളവർ അൽഭുതകരമായി രക്ഷപ്പെട്ടു.
ചിറ്റാരിക്കാൽ വില്ലേജിലെ കമ്പല്ലൂർ അമ്പലം കോളനിയിലെ വീടിന്റെ മേൽക്കൂര തകർന്നു. തോട്ടുംപുറത്ത് ജനാർദനനും കുടുംബവും താമസിക്കുന്ന ഓടുമേഞ്ഞ വീടാണ് വെള്ളിയാഴ്ച ഉച്ചയോടെ തകർന്നത്. ജനാർദനന്റെ ഭാര്യ സൗമ്യയും രണ്ട് കുട്ടികളും സംഭവസമയത്ത് വീട്ടിനുള്ളിൽ ഉണ്ടായിരുന്നു. ആർക്കും കാര്യമായ പരുക്കില്ല.
34 വർഷം മുമ്പ് ഈസ്റ്റ് എളേരി പഞ്ചായത്താണ് കോളനിയിൽ വീടുവെച്ച് നൽകിയത്. ചോർച്ച തടയാൻ മേൽക്കൂരയിൽ പ്ലാസ്റ്റിക് ഇട്ടിരുന്നു. മേൽക്കൂര പഴകി ദ്രവിച്ചതാണ് തകർച്ചയ്ക്ക് കാരണം. പഞ്ചായത്ത് പ്രസിഡന്റ് ജെസ്സി ടോം സ്ഥലം സന്ദർശിച്ചു.
