kerala News
ജില്ലയില് രോഗവ്യാപനം തീവ്രതയിലേക്ക്; അതിവ ജാഗ്രത ആവശ്യം ; ജില്ലാ മെഡിക്കല് ഓഫീസര് ഡോ എ വി രാംദാസ്
കാസർഗോഡ് :ജില്ലയില് ദിനംപ്രതി കോവിഡ് രോഗികളുടെ എണ്ണം വര്ധിച്ചു വരുന്ന സാഹചര്യത്തില് അതീവ ജാഗ്രത ജീവിത രീതികളില് സ്വീകരിച്ചില്ലെങ്കില് കാര്യങ്ങള് ഗുരുതരാവസ്ഥയിലേക്കു നീങ്ങുമെന്ന് ജില്ലാ മെഡിക്കല് ഓഫീസര് ഡോ എ വി രാംദാസ് അറിയിച്ചു.ഒറ്റ ദിവസം നൂറിലധികം രോഗികള് റിപ്പോര്ട് ചെയ്യപ്പെടുന്നരീതിയില് രോഗവ്യാപനത്തിന്റെ തോത് ഉയര്ന്നു. ജില്ലയില് സമ്പര്ക്ക രോഗികളുടെ എണ്ണത്തില് കഴിഞ്ഞ രണ്ട് ആഴ്ച്ചയായി ഉണ്ടാകുന്ന വര്ദ്ധനവ് ഭീതിജനകമായ നിരക്കിലാണ്. ജില്ലയുടെ വടക്കന് മേഖലകളില് സമ്പര്ക്ക കേസുകള് വര്ധിച്ചു വരുന്ന സാഹചര്യത്തില് അഞ്ച് ക്ലസ്റ്റര് ഏരിയകള് ജില്ലയില് കണ്ടെത്തുകയും ഊര്ജ്ജിതമായ പ്രതിരോധ നടപടികള് നടത്തിവരികയുമാണ്. കാസര്കോട് മാര്ക്കറ്റ് ,ചെര്ക്കള ഫ്യൂണറല്, മംഗല്പാടി വാര്ഡ് മൂന്ന്,കുമ്പള മാര്ക്കറ്റ് ,ഹൊസങ്കടി ലാബ് എന്നിവയാണ് ജില്ലയ്ക്കകത്ത് രുപം കൊണ്ട ക്ലസ്റ്ററുകള്.
ഉറവിടമറിയാത്ത 20 കേസുകള്: ജാഗ്രത കൈവിടരുത്
ഉറവിടമില്ലാത്ത ഇരുപതോളം കേസുകള് റിപ്പോര്ട്ട് ചെയ്യപ്പെട്ടു. വടക്കന് മേഖലയിലെ പഞ്ചായത്തുകളില് സമ്പര്ക്ക വ്യാപന കേസുകള് വര്ധിച്ചു വരുന്നുവെന്നത് ജീവിത രീതികളില് കോവിഡ് പ്രതിരോധത്തിന്റെ ഭാഗമായി നിഷ്കര്ഷിച്ചിട്ടുള്ള സുരക്ഷാ മാനദണ്ഡങ്ങളില് വരുത്തിയ വീഴ്ചയായി കാണേണ്ടി വരും .മൂന്നാം ഘട്ട രോഗവ്യാപനം തുടങ്ങി 35 ദിവസത്തോളം സമ്പര്ക്ക കേസുകള് റിപ്പോര്ട്ട് ചെയ്യപ്പെടാതെ പ്രതിരോധം തീര്ത്ത ജില്ലയാണ് നമ്മുടേത് .ലോക്ക് ഡൗണ് ഇളവുകളുടെ പശ്ചാത്തലത്തില് കോവിഡ് പ്രതിരോധ നടപടികളില് സമൂഹം അറിഞ്ഞോ അറിയാതെയോ വരുത്തിയ വീഴച്ചകള് തന്നെയാണ് ഈ വ്യാപനത്തിന് കാരണമായി
