kerala
കോവിഷീല്ഡ് വാക്സിന്റെ രണ്ടാം ഡോസ് എടുക്കാന് 84 ദിവസം എന്തിനാണെന്ന് കേരള ഹൈക്കോടതി
കൊച്ചി: കോവിഷീല്ഡ് വാക്സിന്റെ സ്വീകരിക്കുവാന് രണ്ട് ഡോസുകള് തമ്മില് 84 ദിവസത്തെ ഇടവോള എന്തിനാണെന്ന് കേരള ഹൈക്കോടതി. ഇത്തരത്തില് ഒരു മാനണ്ഡം നിശ്ചയിക്കാനുള്ള കാരണം വാക്സിന്റെ ഫലപ്രപ്തിയാണോ അതോ ലഭ്യത കുറവാണോ എന്ന് കോടതി ചോദിച്ചു. വിഷയത്തില് അടിയന്തരമായി മറുപടി നല്കാന് കോടതി നിര്ദ്ദേശിച്ചു. കിറ്റെക്സ് നല്കിയ ഹര്ജി പരിഗണിക്കുമ്പോഴായിരുന്നു കോടതി പരാമര്ശം.
കമ്പനി വാങ്ങിയ വാക്സിന് ആദ്യ ഡോസ് സ്വീകരിച്ച് 45 ദിവസം കഴിഞ്ഞിട്ടും രണ്ടാം ഡോസ് വാക്സിനെടുക്കാന് സര്ക്കാര് അനുവദിക്കുന്നില്ലെന്ന് കാണിച്ചാണ് കിറ്റെക്സ് കോടതിയെ സമീപിച്ചത്. വിഷയത്തില് കേന്ദ്രം ഹൈക്കോടതിക്ക് ഉടന് വിശദീകരണം നല്കും.
93 ലക്ഷം രൂപയുടെ വാക്സിന് വാങ്ങിയിട്ട് അത് ഉപയോഗിക്കാന് അനുവദിക്കാത്തത് നീതി നിഷോധമാണെന്ന് ഹര്ജിക്കാര് കോടതിയില് വാദിച്ചു. വാക്സിന് കുത്തിവെപ്പ് സംബന്ധിച്ച് നയപരമായ തീരുമാനങ്ങള് എടുക്കുന്നത് കേന്ദ്ര ആരോഗ്യ മന്ത്രലയമാണെന്ന് സംസ്ഥാനസര്ക്കാര് കോടതിയെ അറിയിച്ചു.
