ന്യൂഡല്ഹി: മുന് രാഷ്ട്രപതി പ്രണബ് മുഖര്ജിയുടെ ഭൗതികശരീരം പൂര്ണ സൈനിക ബഹുമതികളോടെ രാജ്യ തലസ്ഥാനത്ത് സംസ്കരിച്ചു.
രാവിലെ മുതല് ഉച്ചയ്ക്ക് ഒന്നര വരെ രാജാജി മാര്ഗിലെ ഔദ്യോഗിക വസതിയില് ഭൗതികശരീരം പൊതുദര്ശനത്തിന് വച്ചിരുന്നു. പ്രധാനമന്ത്രി നരേന്ദ്ര മോദി, ഉപരാഷ്ട്രപതി എം. വെങ്കയ്യ നായിഡു, കോണ്ഗ്രസ് നേതാവ് രാഹുല് ഗാന്ധി, കേന്ദ്ര മന്ത്രിമാര്, വിവിധ കക്ഷി നേതാക്കള് തുടങ്ങിയവര് രാജാജി മാര്ഗിലെ വസതിയിലെത്തി അന്ത്യാഞ്ജലി അര്പ്പിച്ചു.
