ഇസ്ലാമിക പുതു വർഷ പുലരിയിൽ മദ്രസ്സാ അധ്യാപകർക്ക് ഖാദിം അൽ റഹ്മാൻ എന്ന സ്വാന്തന പദ്ധതിയുമായി : അബുദാബി കെ എം സി സി കാസർഗോഡ് മുനിസിപ്പൽ കമ്മിറ്റി

കാസറഗോഡ് :കോവിഡ് കാലത്ത് ഏറ്റവും കൂടുതൽ ദുരിതം അനുഭവിക്കുന്ന മദ്രസ്സാ അധ്യാപകർക്ക് ഇസ്ലാമിക പുതു വർഷമായ ദിനമായ മുഹറം 1 ന് അവരുടെ ദുരിത ജീവിതത്തിന് ഒരു കൈതാങ് എന്ന നിലയിൽ അബുദാബി കാസറഗോഡ് മുനിസിപ്പൽ കമ്മിറ്റി ഖാദിം അൽ റഹ്മാൻ എന്ന പേരിൽ 20 ഓളം സാധനങ്ങലടങ്ങിയ ഭക്ഷണ കിറ്റ് കാസർഗോഡ് മുനിസിപ്പൽ പരിധിയിലെ ജോലി നഷ്ടപെട്ട , ശമ്പളം ലഭിക്കാത്ത അല്ലെങ്കിൽ ശമ്പളം ഭാഗികമായി ലഭിക്കുന്ന മദ്രസ്സാ അധ്യാപകർക്ക് നൽകുന്ന കിറ്റിന്റെ വിതരണ ഉത്ഘാടനം കാസറഗോഡ് മണ്ഡലം മുസ്ലിം ലീഗ് പ്രസിഡന്റ് എ എം കടവത്ത് മുസ്‌ലിം യൂത്ത് ലീഗ് മുനിസിപ്പൽ പ്രസിഡന്റ് ഹകീം അജ്മൽ തളങ്കരയ്ക് നൽകി  നിർവഹിച്ചു. 

മുനിസിപ്പൽ മുസ്ലിം ലീഗ് ജനറൽ സെക്രട്ടറി ഖാലിദ് പച്ചക്കാട് അധ്യക്ഷത വഹിച്ചു . 

കൂടാതെ ചടങ്ങിൽ വെച് മുസ്ലിം ലീഗ് മുനിസിപ്പൽ കമ്മിറ്റിയ്ക് കെഎംസിസി മുനിസിപ്പൽ കമ്മിറ്റി നൽകുന്ന മരണാന്തര കര്മങ്ങൾ ചെയ്യാനുള്ള കഫൻ കിറ്റ് തകരീം അൽ ഇഹ്സാന്റെ ഉത്ഘാടനം മുൻ അബുദാബി കെ എം സി സി സംസ്ഥാന ജനറൽ സെക്രട്ടറി ടി എം എ തുരുത്തി ,

മുനിസിപ്പൽ ലീഗ് ട്രഷറർ മുഹമ്മദ് കുഞ്ഞി തായലങ്ങാടിയ്ക് നൽകിയും , 

നിർധന മദ്‌റസാ വിദ്യാർത്ഥിക്ക് ഓൺലൈൻ പഠന സഹായ ഉപകരണ വിതരണം മുൻ അബുദാബി കെ എം സി സി മുനിസിപ്പൽ ജനറൽ സെക്രട്ടറി ശിഹാബ് ഊദ് , എം എസ് എഫ് മുനിസിപ്പൽ ജനറൽ സെക്രട്ടറി ഇബ്രാഹിം ഖാസിയാരകതിന് നൽകി നിർവഹിച്ചു. 

ഗഫൂർ ഊദ് , ഷാനു തായലങ്ങാടി, നാച്ചു കെ ബി , റൗഫ് എന്നിവർ സംബന്ധിച്ചു. ശിഹാബ് ഊദ് സ്വാഗതവും , ഫിറോസ് അടുക്കത്ത്ബയൽ നന്ദിയും പറഞ്ഞു.