ടാറ്റാ ഗ്രൂപ്പ് ഏറ്റെടുത്തതിന് പിന്നാലെ ചരിത്ര നീക്കവുമായി എയർഇന്ത്യ. 500 ജെറ്റ്‌ലൈനറുകൾ വാങ്ങും. എയർബസിൽ നിന്നും ബോയിംഗിൽ നിന്നും ജെറ്റ്‌ലൈനറുകൾ വാങ്ങാനാണ് തീരുമാനമെന്ന് മാധ്യമങ്ങൾ റിപ്പോർട്ട് ചെയ്യുന്നു.
400 നാരോ ബോഡി ജെറ്റുകളും നൂറോ അതിലധികമോ വൈഡ് ബോഡി ജെറ്റുകളും എയർബസ് എ 350, ബോയിംഗ് 787, 777 എന്നിവയുൾപ്പെടെ വാങ്ങാനാണ് തീരുമാനം. വരും ദിവസങ്ങളിൽ ഇത് സംബന്ധിച്ച് കൂടുതൽ വിവരങ്ങൾ പുറത്തുവരുമെന്നാണ് റിപ്പോർട്ടുകൾ.
അതേസമയം, എയർബസും ബോയിംഗും വാർത്തകളോട് പ്രതികരിക്കാൻ വിസമ്മതിച്ചു. ടാറ്റ ഗ്രൂപ്പ് വിഷയത്തിൽ പ്രതികരിച്ചിട്ടില്ല.
