national
'പ്രഫുലിന്റെ പരിഷ്‌കാരം'; കുറ്റകൃത്യങ്ങളില്ലാത്ത ലക്ഷദ്വീപില്‍ കൂറ്റന്‍ ജയില്‍ നിര്‍മ്മിക്കാന്‍ തീരുമാനം
കവരത്തി ദ്വീപിന്റെ തെക്കുഭാഗത്തായാണ് പുതിയ ജയില്‍ നിര്‍മ്മിക്കുക. ഉടമകള്‍ പോലും അറിയാതെ ആണ് ജയില്‍ നിര്‍മ്മിക്കാനുളള സ്ഥലം തെരഞ്ഞെടുത്തിരിക്കുന്നത്. ടെണ്ടര്‍ ക്ഷണിച്ചു കൊണ്ടുളള വാര്‍ത്ത പുറത്തു വന്നപ്പോഴാണ് ഇവര്‍ ജയില്‍ നിര്‍മ്മണത്തിന്റെ കാര്യങ്ങള്‍ അറിയുന്നത്.
നിലവില്‍ കവരത്തിയിലും ആന്ത്രോത്തിലും ചെറിയ ജയിലുകളുണ്ട്. ഇവിടെ പോലും കുറ്റവാളികള്‍ ഇല്ലാത്ത അവസ്ഥയാണ്. മറ്റ് ദ്വീപുകളിലും പൊലീസ് സ്റ്റേഷനുകളോട് ചേര്‍ന്ന് ചെറിയ തടവറകളുണ്ട്. അതിനിടെയാണ് കൂറ്റന്‍ ജയിലിന്റെ നിര്‍മ്മാണവുമായി മുന്നോട്ട് വരുന്നത്. ഈ മാസം ഇരുപതിനാണ് ടെണ്ടര്‍ ക്ഷണിച്ചിട്ടുളളത്. നവംബര്‍ എട്ടാണ് ടെണ്ടര്‍ സമര്‍പ്പിക്കേണ്ട അവസാന തീയ്യതി.
