രാജ്യത്തെ കൊവിഡ് കേസുകളിൽ നേരിയ വർദ്ധനവ് റിപ്പോർട്ട് ചെയ്തു. രാജ്യത്ത് കഴിഞ്ഞ ദിവസം 22,431 പേർക്കാണ് പുതുതായി കൊവിഡ് സ്ഥിരീകരിച്ചത്. കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം രാജ്യത്ത് 2,44,198 പേരാണ് രോഗ ബാധിതരായി ചികിത്സയിൽ തുടരുന്നത് .
204 ദിവസത്തിനിടെയുള്ള ഏറ്റവും കുറവ് ആക്റ്റീവ് കേസുകളാണ് ഇന്നലെ റിപ്പോർട്ട് ചെയ്തത്. 24,602 പേർ രോഗമുക്തി നേടി. രോഗമുക്തി നിരക്ക് 97.95 ശതമാനമായി ഉയർന്നു. രാജ്യത്തെ ആകെ കൊവിഡ് വാക്സിൻ സ്വീകരിച്ചവരുടെ എണ്ണം 92കോടി 63 ലക്ഷം കവിഞ്ഞു.
