assembly election 2021
വൈദ്യുതി ബോര്ഡും അദാനിയും തമ്മില് 8850 കോടിയുടെ വഴിവിട്ട കരാർ: പുതിയ ആരോപണം
തിരഞ്ഞെടുപ്പിന് നാലു ദിവസം മാത്രം അവേശേഷിക്കേ സര്ക്കാരിനെതിരെ പുതിയ ആരോപണവുമായി പ്രതിപക്ഷനേതാവ് രമേശ് ചെന്നിത്തല. വൈദ്യുതി ബോര്ഡും അദാനി ഗ്രൂപ്പും തമ്മില് വഴിവിട്ട കരാറെന്ന് രമേശ് ചെന്നിത്തല ഹരിപ്പാട്ട് വാര്ത്താസമ്മേളനത്തില് ആരോപിച്ചു. 25 വര്ഷത്തേക്ക് കൂടിയ തുകയ്ക്ക് വൈദ്യുതി വാങ്ങാനാണ് നീക്കം. 25 വര്ഷത്തേക്കുള്ള ദീര്ഘകാല വൈദ്യുതി കരാര് ലോകത്ത് ഒരിടത്തുമില്ല. 8850 കോടിയുടെ കരാറില് അദാനിക്ക് 1000 കോടിയിലേറെ രൂപയാണ് ലാഭം. കാറ്റില്നിന്നുള്ള വൈദ്യുതി വാങ്ങുന്നത് യൂണിറ്റിന് രണ്ടു രൂപ 82 പൈസ നിരക്കിലാണ്. 'മറ്റ് സ്രോതസുകളില്നിന്നുള്ള വൈദ്യുതിക്ക് യൂണിറ്റിന് ഒരു രൂപയാണ് നിരക്ക് . കരാര് അടിയന്തരമായി റദ്ദാക്കണമെന്ന് രമേശ് ചെന്നിത്തല ആവശ്യപ്പെട്ടു.
